جۇڭگو U23 دۆلەت پۇتبول كوماندىسىنىڭ تۆت ئەزاسى كوماندىدىن ئايرىلىپ ۋەتەنگە قايتتى          
«تەنتەربىيە مۇنبىرى ھەپتىلىك گېزىتى» مۇخبىرى ما دېشىڭنىڭ خەۋىرىگە ئاساسلانغاندا، سەئۇدى ئەرەبىستانى شۇ يەر ۋاقتى 6-يانۋار كەچتە، جۇڭگو U23 دۆلەتلىك ئەرلەر پۇتبول كوماندىسىنىڭ تىرېنېرلار گۇرۇپپىسى مۇزاكىرە قىلغاندىن كېيىن، ئىلگىرى ئاسىيا پۇتبول بىرلەشمىسى ئېلان قىلغان 23 نەپەر تىزىملاتقان توپچىلارنىڭ تىزىملىكىنى ئۆلچەم قىلىپ، توپچىلارنى ئالماشتۇرماسلىقنى قارار قىلغان. تىزىملىكنىڭ سىرتىدىكى تۆت توپچى شۇ كۈنى كەچتىكى مەشىقنى تاماملىغاندىن كېيىن،  كېچىلەپ نۆۋەتچى ئايروپىلانغا ئولتۇرۇپ جۇڭگوغا قايتىپ كېلىپ، كوماندىدىن ئايرىلدى.

بۇنىڭدىن ئىلگىرى، جۇڭگو كوماندىسىنىڭ بۇ تۆت توپچىنى داۋاملىق كوماندىغا ئەگىشىپ مەشىق قىلدۇرۇشىدىكى ئاساسلىق سەۋەب، رەسمىي مۇسابىقە باشلىنىشقا يەنە بىر نەچچە كۈن ۋاقىت بارلىقىنى كۆزدە تۇتۇپ،  كۈتۈلمىگەن ئەھۋاللارنىڭ ئالدىنى ئېلىش ئۈچۈن ئىدى.          
بۇلتۇر ئۆتكۈزۈلگەن U23 ئاسىيا لوڭقىسى ئالدىن تاللاش مۇسابىقىسىنىڭ گۇرۇپپا مۇسابىقىسىگە ئوخشاش، جۇڭگو كوماندىسى ئەينى ۋاقىتتا ئەڭ ئاخىرىدا مۇسابىقىگە قاتنىشىدىغان 23 ئادەمنىڭ تىزىملىكىنى بېكىتكەندىن كېيىن، تاللانمىغان توپچىلار كوماندىدىن ئايرىلغان. لېكىن مۇسابىقىدىن بۇرۇنقى ئەڭ ئاخىرقى بىر سائەتلىك مەشىق دەرسىدە، توپچى مۇتەللىپ تاسادىپىي يارىلاندى. بۇنداق ئەھۋالدا، جۇڭگو كوماندىسى كوماندىدىن ئايرىلغان ماھىر چېن جېشۈئەنگە قايتىدىن تىزىملىتىش رەسمىيىتى بېجىرىلىپ، يارىلانغان مۇتەللىپنىڭ ئورنىغا ئۇ مۇسابىقىگە قاتناشتى.              
ئىمران بىلەن جۇ پېڭيۈ 2005 – يىلى ياش باسقۇچىدىكى توپچىلار بولۇپ، ھەر قايسىسى ئۆز ئورنىدا روشەن تېخنىكا ئالاھىدىلىكىگە ئىگە. لېكىن كىشىنى ئەپسۇسلاندۇرىدىغىنى شۇكى، ئىككىيلەننىڭ بىر ئورتاق ئاجىزلىقى بار، يەنى بەدەن قارشىلىشىشتا ئۈستۈنلۈكنى ئىگىلىيەلمەيدۇ، ئىپادىسى دېگەندەك قاتتىق بولمايدۇ.          
ئەمما، بۇ قېتىمقى تاللىنالماسلىق ئىمران بىلەن جۇ پېڭيۈگە نىسبەتەن يامان ئىش بولۇشى ناتايىن. ھازىرقى زامان پۇتبولچىلىقىنىڭ تەرەققىيات يۈزلىنىشى ۋە ئالاھىدىلىكىدىن قارىغاندا، مۇسابىقىنىڭ پۇتبولچىلارنىڭ بەدەن ساپاسىغا بولغان تەلىپى بارغانسېرى يۇقىرى بولماقتا. شۇڭا، شاللىنىپ قېلىش بەلكىم ئۇلارنى بەدەن ساپاسى ۋە قارشىلىشىش ئىقتىدارى مەشىقىنى يەنىمۇ كۈچەيتىشكە رىغبەتلەندۈرۈشى مۇمكىن، ئۇلارنىڭ كەلگۈسىدە يەنىلا ناھايىتى چوڭ تەرەققىيات بوشلۇقى بولىدۇ.          

سىزنىڭچە ياش توپچىلار دۆلەت كوماندىسىدىن ۋاقتىنچە چۈشۈپ قالغان ئەھۋالدا، روھىي ھالىتىنى قانداق تەڭشىشى ھەمدە كېيىنكى قەدەمدىكى شەخسىي مەشىقنىڭ مۇھىم نۇقتىسىنى قانداق پىلانلىشى كېرەك؟

بۇ ماقالە ئۈندىدار سالۇنىدىن كەلگەن : Putbol一Dunyasi