بارسېلونا پۇتبول كۇلۇبى كوپىنھاگېن پۇتبول كۇلۇبى بىلەن مۇسابىقىلىشىدۇ         

ياۋروپا چېمپىيونلۇق بىرلەشمە مۇسابىقىسىنىڭ گۇرۇپپا مۇسابىقىسى باسقۇچىدىكى ئەڭ ئاخىرقى ئايلانما مۇسابىقە باشلىنىشتىن بۇرۇن، بارسېلونا پۇتبول كۇلۇبىنىڭ ماھىرى ئولمو ئاخبارات ئېلان قىلىش يىغىنىغا قاتناشتى. بارسېلونا پۇتبول كۇلۇبى كوپىنھاگېن پۇتبول كۇلۇبى بىلەن مۇسابىقىلىشىدۇ.

 بۇ مەيدان مۇسابىقىدە بارسېلونا پۇتبول كۇلۇبىنىڭ توپچىسى پېدرى يارىلىنىپ مەيدانغا چىقالمىدى، فرانكىي دېرون مۇسابىقىدىن توختىتىپ قويۇلغاچقا مەيدانغا چىقالمىدى.          
ئولمو ئىككى سەپدىشىنىڭ كەلمەسلىكىنىڭ ھەقىقەتەن بەلگىلىك تەسىرى بارلىقىنى، لېكىن توپ كوماندىسىنىڭ بۇنى باھانە قىلمايدىغانلىقىنى بىلدۈردى. ئۇنىڭ قارىشىچە توپچى ئېرىك، كاسادو، بونار ھەممىسى مەيدانغا چىقسا بولىدۇ، ئۇنىڭ ئۈستىگە ئۇ ئۆزىمۇ مۇناسىۋەتلىك ئورۇننى تېپىپ باققان، شۇڭا مەسىلە يوق.          
ئورمو ئۆزىنىڭ مەيداندىكى ئورنى توغرىسىدا مۇنداق دېدى:مېنىڭ ئەڭ ياخشى كۆرىدىغىنىم 10 – نومۇرلۇق ئورۇن، يەنى قارشى تەرەپنىڭ بېكى بىلەن ئوتتۇرا مەيدان توپچىسى ئارىسىدىكى رايوندا ھەرىكەت قىلىش، ئۇ مەن ئەڭ راھەت ھېس قىلىدىغان رايون. لېكىن ئۇ يەنە ئورۇننى سەل كەينىگە چېكىندۈرسىمۇ قوبۇل قىلغىلى بولىدىغانلىقىنى بىلدۈردى. ئۇنىڭ كۆرسىتىشىچە، ئورۇن كەينىگە چېكىنىش ئوخشاش بولمىغان مۇسابىقە مەسئۇلىيىتىنى ئېلىپ كېلىدۇ، باش تىرېنېر ھانىس فرىك ئۇنىڭ مۇسابىقە رېتىمىنى تېخىمۇ كۆپ كونترول قىلىشىنى، توپ ئۇرۇش قېتىم سانىنى كۆپەيتىشىنى ھەمدە پۈتۈن كوماندىنى يېتەكلىشىنى ئۈمىد قىلىدۇ. مەيلى باش تېرىنىر ئۇنى قايسى ئورۇنغا ئورۇنلاشتۇرسۇن، ئۇ پۈتۈن كۈچى بىلەن تىرىشىدۇ.          
ئولمو تىلغا ئېلىپ، باش ترېنېر ھانىس فرىك گېرمانىيە پۇتبول ئا دەرىجىلىكلەر بىرلەشمە مۇسابىقىسىدىكى ۋاقتىدىلا ئۇنى چۈشىنەتتى، ئىزچىل ئۇنىڭدىن ئۆزىنىڭ ئالاھىدىلىكىنى ساقلاپ قېلىشنى تەلەپ قىلىپ كەلگەنىدى. ئۇ بارسېلونا پۇتبول كۇلۇبىغا يېڭى كىرگەندە، باش تىرېنېر ئۇنىڭغا، ئۇنى كىرگۈزۈشتە ئۇنىڭ مۇسابىقىنى چۈشىنىش ئۇسۇلى، بېسىم ئاستىدا توپنى كونترول قىلىش ئىقتىدارى، شۇنداقلا قاداپ ھۇجۇم قىلىش، ياردەمچى ھۇجۇم قىلىش ۋە توپ كىرگۈزۈش ئىقتىدارى ئاساس قىلىنغانلىقىنى ئېيتتى. مانا بۇ باش تېرنېرنىڭ ئۇنىڭدىن كۈتكەن ئۈمىدى، ئۇنىڭ قىلالايدىغىنى ئۈزلۈكسىز يۇقىرى كۆتۈرۈش.          
ئولمو سەپدىشى لامىن يامال ئۈستىدە توختالغاندا، لامىن يامالنىڭ ئۆزىنىڭ تەرەققىيات يولى بارلىقىنى، ئۆزىنىڭمۇ بۇ نۇقتىنى ناھايىتى ئېنىق بىلىدىغانلىقىنى بىلدۈردى. لامىن يامال بىلەن مىسسىنى سېلىشتۇرۇش مۇۋاپىق ئەمەس. ئولمو لامىن يامالنىڭ ھەقىقەتەن تۇغما تالانتى بارلىقىنى، توپ كوماندىسىغا نۇرغۇن ياردەم ئېلىپ كېلىدىغانلىقىنى ھەمدە كەلگۈسىدە تېخىمۇ كۆپ تۆھپە قوشىدىغانلىقىنى ئېتىراپ قىلدى. توپ كوماندىسىنىڭ مەسئۇلىيىتى ئۇنى قوللاش، ئۇنىڭ تېخىمۇ ياخشى بولۇپ كېتىشىگە ياردەم بېرىش. كوماندىنىڭ ئومۇمىي ئىپادىسى ياخشى بولغاندىلا، كۆپچىلىك ئاندىن مۇسابىقىدە يېڭەلەيدۇ، بۇ باشتىن – ئاخىر كوللېكتىپنىڭ ئىشى.          
ئورمو ئۆزىنىڭ ھازىرقى ھالىتىدىن رازى بولغانلىقىنى بىلدۈردى، لېكىن ئۇ ئۆزىنىڭ تېخىمۇ ياخشى قىلالايدىغانلىقىغا ئىشەندى. يېقىندا ئۇ تېخىمۇ كۆپ ئۇدا مەيدانغا چىقىش پۇرسىتىگە ئېرىشتى، ئۈنۈمىمۇ يۇقىرى كۆتۈرۈلدى. بىراق ئۇنىڭ نۇرغۇن جەھەتلەردە يەنىلا ئىلگىرىلەش بوشلۇقى بار، مۇسابىقە پەسلىنىڭ ئەڭ ھالقىلىق قىسمى ئەمدىلا باشلاندى.          


سىز بارسېلونا پۇتبول كۇلۇبىنىڭ بۇ مەيدان مۇسابىقىدە پېدرى ۋە فرانكىي دېروننىڭ كەلمەسلىكى ئېلىپ كەلگەن تەسىرگە قانداق قارايسىز؟

بۇ ماقالە ئۈندىدار سالۇنىدىن كەلگەن : Putbol一Dunyasi