27-يانۋار، دۆلەتلىك كېسەللىكلەرنىڭ ئالدىنى ئېلىش، تىزگىنلەش ئىدارىسىدىن ئىگىلىنىشىچە، بۇ قېتىم ھىندىستاندا كۆرۈلگەن نىپا ۋىرۇسى يۇقۇمى ئاساسلىقى غەربىي بېنگال ئىشتاتىدا يۈز بەرگەن، ئۇ يەر دۆلىتىمىز بىلەن چېگرىلانمايدىكەن. نىپا ۋىرۇسى ئاساسلىقى بۇ ۋىرۇس بىلەن يۇقۇملانغان ھايۋانلار، بىمارلار ۋە بۇلغىمىلار بىلەن بىۋاسىتە ئۇچرىشىشتىن تارقىلىدىكەن، ۋىرۇسنىڭ مۇھىتتىكى ھاياتىي كۈچى ئاجىز بولغاچقا، ئادەتتە كىشىلەرنىڭ ئۇچرىشىش، يۇقۇملىنىش ئېھتىماللىقى بىر قەدەر تۆۋەن بولىدىكەن. ئۇنىۋېرسال ھۆكۈم قىلغاندا، بۇ قېتىمقى ھىندىستاندىكى نىپا ۋىرۇسى يۇقۇمىنىڭ دۆلىتىمىزگە كۆرسىتىدىغان تەسىرى نىسبەتەن كىچىك بولۇپ، نۆۋەتتە دۆلىتىمىزدە نىپا ۋىرۇسى بىلەن يۇقۇملانغان بىمار بايقالمىغان. لېكىن چېگرا سىرتىدىن كىرىش خەۋپى مەۋجۇت بولغاچقا ئالدىنى ئېلىشنى كۈچەيتىشكە توغرا كېلىدىكەن.