توپچاق تەنتەربىيەسى: بىز سىزلەرنىڭ ئامراق دوستۇڭلار توپچاق. ياخشىمۇسىلەر، مەن سىلەرنىڭ ئامراق دوستۇڭلار توپچاق. بۈگۈن شىنجاڭ كوماندىسى مېھمان مەيداندا فۇجيەن كوماندىسى بىلەن مۇسابىقىلەشتى. فۇجيەن كوماندىسى يېقىندا ئۇدا 2 مەيدان غەلىبە قىلغان. شىنجاڭ كوماندىسى بولسا ئالدىنقى مەيداندا شەندۇڭ كوماندىسىغا ئۇتتۇرۇپ قويغان.  

بۈگۈنكى مۇسابىقە ناھايتى كەسكىن ئوينالدى. مۇسابىقە باشلىنىپ فۇجىيەن كوماندىسىنىڭ قول سىزىمى ياخشى بولدى. بىراق ئىككىنجى ۋە ئۈچىنجى كونتىرولدا شىنجاڭ كوماندىسى ئەسلىگە قايتىپ ئۈچىنجى كونتىرول ئاخىرلاشقاندا 5 نۇمۇر ئۈستۈنلۈككە ئۆتتى ۋە تۆتىنجى چارەكتىمۇ ئىزچىل ئالدىدا ماڭدى. بىراق مۇسابىقە ئاخىرلىشىشقا ئاز قالغاندا تىلەيىس نۇمۇر ئېلىپ نۇمۇر پەرقى 102-102 بولۇپ، مۇسابىقە قۇشۇپ بىرىلگەن ۋاقىتقا كىردى. قۇشۇپ بىرىلگەن ۋاقىتتىمۇ فۇجىيەن كوماندىسى ئاكتىپ ئورۇندا تۇرۇپ، بىر مەھەل نۇمۇر ئۈستۈنلۈكتە تۇردى. ھالقىلىق ۋاقىتتا ئىلفۇرات ئۈچ نۇمۇر توپ چۈشۈردى، كاپىتان ئابدۇسالام ھالقىلىق ئىككى نۇمۇر ئېلىپ، شىنجاڭ كوماندىسى 1 نۇمۇر ئۈستۈنلۈككە ئۆتتى. ئاخىرىدا شىنجاڭ كوماندىسى قوشۇپ بېرىلگەن ۋاقىتتا 111 : 108 نەتىجە بىلەن ئۈستۈنلۈكنى ئىگەللەپ مېھمان مەيداندا فۇجيەن كوماندىسىنى مەغلۇپ قىلدى. 

بۈگۈنكى مۇسابىقىدە شىنجاڭ كوماندىسىدىن چى لىن 26 نومۇر، 2 گاردىن قايتقان توپ ئېلىپ، 3 قېتىم توپ تارتىۋالدى. ناتۇر 18 نومۇر، 9 گاردىن قايتقان توپ ئېلىپ، 8 قېتىم ياردەم پاس بەردى؛ ئابدۇسالام 18 نومۇر، 5 گاردىن قايتقان توپ ئېلىپ، 6 قېتىم ياردەم پاس بەردى؛ لاۋسېن 17 نومۇر، 9 گاردىن قايتقان توپ ئېلىپ، 6 قېتىم ياردەم پاس بەردى؛  ئېلفىرات 12 نومۇر، 8 گاردىن قايتقان توپ ئېلىپ، 4 قېتىم ياردەمچى پاس بەردى. لى يەنجې 9 نومۇر، 1 گاردىن قايتقان توپ ئېلىپ، 3 قېتىم توپ قېقىۋەتتى. ھاررىس 7 نومۇر، ۋۇ گۇەنشى 4 نومۇر، 3 گاردىن قايتقان توپ ئېلىپ، 1 قېتىم ياردەمچى پاس بەردى.

فۇجىيەن كوماندىسىدىن تېرىس 41 نومۇر، بروزئانسكى 16 نومۇر، زېڭ لىڭشيەن 14 نومۇر، لى يىياڭ 11 نومۇر، ياڭ لىڭشى خاۋ 7 نومۇر، فېڭ مىڭجېن 6 نومۇر، بېرىسكو 6 نومۇر، زو ياڭ 4 نومۇر، ۋىليامس 2 نومۇر، ياڭ ئالى 1 نومۇر ئالدى. 

شىنجاڭ كوماندىسىنىڭ كىيىنكى رەقىبى گۇاڭجۇ كوماندىسى بولۇپ، شىنجاڭ كوماندىسى 1-ئاينىڭ 6-كۈنى مېھمان مەيداندا گۇاڭجۇ كوماندىسى بىلەن مۇسابىقىلىشىدۇ. شىنجاڭ كوماندىسى ئالدىنقى قېتىم ساھىپخان مەيداندا گۇاڭجۇ كوماندىسىنى يەڭگەن. بۇ قېتىم مېھمان مەيداندىمۇ گۇاڭجۇ كوماندىسىنى يىڭەلەمدۇ؟ بۇنىڭ قىززىڭقىسىز توپچاقنى قۇشۇۋېلىڭ. توپچاق تەنتەربىيەسى سىزگە كۈندە جاھاندىكى ئەڭ يېڭى تەنتەربىيە ئۇچۇرلىرىنى ھەمبەھىرلەپ بىرىدۇ. 

بۇ ماقالە ئۈندىدار سالۇنىدىن كەلگەن : TopQak