كىم كارداشىيان مېسسىنىڭ بويىنىڭ پاكارلىقىنى تەنقىد قىلىپ، تالاش-تارتىش پەيدا قىلىپ، ھازىرقى زامان جەمئىيىتىنىڭ بەدەن شەكلىگە بولغان ئېستېتىك ئۆلچىمىنى سۈپەتلەپ بەرگەن. تەنتەربىيە چولپانلىرىمۇ ئېستېتىك ئۆلچەمنىڭ چەكلىمىسىگە ئۇچرايدۇ، شۇڭا ھەر بىر ئادەمنىڭ ئالاھىدىلىكى ۋە تۆھپىسىگە ھۆرمەت قىلىپ، سىغدۇرۇشچان، كۆپ مەنبەلىك ئىجتىمائىي مۇھىت بەرپا قىلىش كېرەك.

يېقىندا، ئىجتىمائىي ئالاقە تورىدا تەنتەربىيە ۋە ئېستېتىكا توغرىسىدا بىر مەيدان مۇنازىرە قوزغالدى، بۇنىڭ ئىچىدە داڭلىق چولپان كىم كارداشياننىڭ بىر قىسىم سۆزلىرى قىزىق نۇقتىغا ئايلاندى. مەلۇم بىر پىروگراممىدا كىم كارداشيان مۇنداق دېدى: «راستىنى ئېيتقاندا، مېسسى گەرچە ناھايىتى داڭلىق بولسىمۇ لېكىن ئۇ مەن ياخشى كۆرىدىغان تىپتىن ئەمەس. مېسسى بەك پاكار بولغاچقا ماڭا تېتىمايدۇ.» بۇ سۆز دەرھال كەڭ كۆلەمدە تالاش-تارتىش ۋە ئىنكاس قوزغىغان.

مېسسى پۇتبول دۇنياسىدىكى رىۋايەتلىك شەخس بولۇش سۈپىتى بىلەن مەيلى توپ مەيدانىدىكى ماھارىتى بولسۇن ياكى جەمئىيەتتىكى تەسىر كۈچى بولسۇن ئېنىقكى ئەڭ داڭلىق شەخس. لېكىن، كىم كارداشياننىڭ بۇ سۆزلىرى ئۇنىڭ دىققىتىنى مېسسىنىڭ پۇتبول تالانتىدىن مېسسىنىڭ تاشقى قىياپىتىگە، بولۇپمۇ بوي ئېگىزلىكىگە يۆتكىگەنلىكىنى كۆرسىتىپ بېرەلەيدۇ. تەنتەربىيە چولپانلىرىنى ئىستېتىك ئۆلچەم ئاستىغا قويۇشتىن ئىبارەت بۇ ئۇسۇل كىشىلەرنىڭ تەنتەربىيە ساھەسى ۋە جەمئىيەتنىڭ ئىستېتىك قارىشىغا بولغان ئويلىنىشىنى قوزغىغان.

ئالدى بىلەن، كىم كارداشىياننىڭ سۆزلىرى ھازىرقى زامان جەمئىيىتىدە بەدەن شەكلىگە بولغان ئېستېتىك ئۆلچەمنىڭ ئومۇملاشقانلىقىنى ئەكس ئەتتۈرۈپ بېرىدۇ. بوي ئېگىزلىكى بىر مۇھىم بەدەن ئالاھىدىلىكى بولۇش سۈپىتى بىلەن نۇرغۇن كىشىلەرنىڭ ئويىدىكى ئەرلىك سېھرىي كۈچنىڭ سىمۋولى دەپ قارىلىدۇ. نۇرغۇن كىشىلەرنىڭ نەزىرىدە، ئېگىز بوي ھەمىشە كۈچ، ھوقۇق ۋە ئەرلىك سېھرىي كۈچ بىلەن مۇناسىۋەتلىك. شۇڭا، نىسبەتەن پاكار بەدەن كىشىنى ئانچە جەلپ قىلالمايدۇ دەپ قارىلىشى مۇمكىن.

كىم كارداشياننىڭ سۆزى دەل مۇشۇنداق بىر خىل ئېستېتىك ئۆلچەمنى ئاساس قىلغان بولۇپ، ئۇنىڭ كۆز قارىشى بەلكىم بىر قىسىم كىشىلەرنىڭ بوي ئېگىزلىكىگە بولغان مايىللىقىغا ۋەكىللىك قىلىشى مۇمكىن، لېكىن بۇ خىل مايىللىقنىڭ بىر ئادەمنىڭ قىممىتىگە ھەرگىزمۇ تەسىر كۆرسىتەلمەيدۇ.

ئىككىنچىدىن، بۇ ۋەقە تەنتەربىيە بىلەن كۆڭۈل ئېچىش ساھەسىنىڭ كېسىشىش نۇقتىسىدىكى بىر خىل جىددىيلىكنى گەۋدىلەندۈرگەن. تەنتەربىيە چولپانلىرى كۆپ ھاللاردا قەھرىمانلاردەك ئەزىمەتلەر دەپ تەرىپلىنىدۇ، ئۇلارنىڭ مۇۋەپپەقىيىتى ۋە تەسىر كۈچى ئۇلارنىڭ تەنھەرىكەت ئىپادىسىدىنمۇ ئېشىپ چۈشىدۇ. لېكىن، كىم كارداشىياننىڭ سۆزلىرى بىزگە شۇنى ئەسكەرتىدۇكى، دۇنيا دەرىجىلىك تەنھەرىكەتچىلەرمۇ ئېستېتىك ئۆلچەمنىڭ ئاسارىتىدىن قېچىپ قۇتۇلالمايدۇ. تەنتەربىيە چولپانلىرىنى ئېستېتىك ئۆلچەم بويىچە باھالايدىغان بۇ خىل ئۇسۇل ئۇلارنىڭ ئىززەت-ھۆرمىتى ۋە ئوبرازىغا زىيان يەتكۈزۈشى مۇمكىن، شۇنىڭ بىلەن بىر ۋاقىتتا، ياش ئەۋلادلارغا ناچار پىسخىكىلىق تەسىر پەيدا قىلىشى مۇمكىن.

ئاخىرىدا، بۇ ۋەقە بىزگە ئېستېتىك ئۆلچەم ھەققىدە ئويلىنىش ئېلىپ كېلىدۇ. گۈزەللىك قارىشى سۇبيېكتىپ بولىدۇ، ئادەمگە قاراپ پەرقلىق بولىدۇ، بىر ئادەمنىڭ قىممىتىنى نوقۇل ھالدا بوي ئېگىزلىكى، تاشقى قىياپىتى قاتارلىق يەككە ئۆلچەملەر بىلەن ئۆلچىگىلى بولمايدۇ. بىر ئادەمگە باھا بەرگەندە ئۇلارنىڭ ئەخلاق-پەزىلىتى، تالانتى، تىرىشچانلىقى ۋە مۇۋەپپەقىيىتىگە تېخىمۇ ئەھمىيەت بېرىش كېرەك، پەقەت تاشقى كۆرۈنۈشىدىلا توختاپ قالماسلىق كېرەك.

ئومۇمەن قىلىپ ئېيتقاندا، كىم كارداشياننىڭ سۆزى كەلتۈرۈپ چىقارغان «بوي ئېگىزلىكى تالاش-تارتىشى» ھازىرقى جەمئىيەتتىكى تەنتەربىيە چولپانلىرى بىلەن ئېستېتىك ئۆلچەم ئوتتۇرىسىدىكى مۇرەككەپ مۇناسىۋەتنى ئەكس ئەتتۈرۈپ بېرىدۇ. بىز تەنھەرىكەتچىلەرنى ماختاش بىلەن بىر ۋاقىتتا ئۆزىمىزنىڭ قىممەت قارىشى ئۈستىدە ئويلىنىشىمىز، ھەر بىر ئادەمنىڭ ئۆزگىچە ئالاھىدىلىكى ۋە تۆھپىسىگە ھۆرمەت قىلىشىمىز، ئۇلارنى نوقۇل ھالدا ئۆزىمىزنىڭ ئېستېتىك رامكىسىغا كىرگۈزۈۋېتىشتىن ساقلىنىشىمىز كېرەك. مۇشۇنداق قىلغاندىلا، بىز تېخىمۇ سىغدۇرۇشچان ۋە كۆپ مەنبەلىك ئىجتىمائىي مۇھىت بەرپا قىلالايمىز

بۇ ماقالە ئۈندىدار سالۇنىدىن كەلگەن : Putbol丶Mastanisi