بېيجىڭ ۋاقتى 7-ئاينىڭ 10-كۈنى سەھەردە ئۆتكۈزۈلگەن ئامېرىكا كەسپىي بىرلەشمىسى مۇسابىقىسىدە، مەيئامى خەلقئارا كوماندىسى مېھمان مەيداندا 1:2 نەتىجە بىلەن يېڭى ئېنگلاند كوماندىسىنى مەغلۇپ قىلدى. بۇ مەيدان مۇسابىقىدە، مېسسى ئىككى توپ كىرگۈزدى، بۇنىڭ بىلەن مېسسى يېقىنقى بەش ئايلانما ئامېرىكا كەسپىي بىرلەشمىسىدە توققۇز توپ كىرگۈزۈپ، تۆت قېتىم ياردەمچى پاس چىقاردى، ئۇنىڭ بۇنداق يۇقىرى ئۈنۈملۈك ئىپادىسى كىشىنى ھەيران قالدۇرىدۇ. مېسسى قالتىس ئىپادىسى بىلەن مەيئامى خەلقئارانىڭ ئامېرىكا كەسپىي بىرلەشمىسىدە ئۇدا تۆت مەيدان غەلىبە قىلىشىغا ياردەم بەردى، كوماندا ھازىر شەرقىي رايوندا بەشىنچى ئورۇندا تۇرماقتا.

سانلىق مەلۇمات ئىستاتىستىكىسىغا ئاساسلانغاندا، مېسسى بۇ مۇسابىقە پەسلىدە ھازىرغىچە 15 مەيدان ئامېرىكا كەسپىي بىرلەشمىسى مۇسابىقىسىگە قاتناشقان بولۇپ، بۇنىڭ ئىچىدە 14 مەيدان مۇسابىقىدە ئاساسلىق ئەزا بولغان، جەمئىي 1295 مىنۇت مەيدانغا چىقىپ 14 توپ كىرگۈزۈپ، سەككىز ياردەمچى پاس چىقارغان. دېمەك، مېسسى ھەر 59 مىنۇتتا بىر توپنىڭ كىرىشىگە بىۋاسىتە قاتناشقان. ئەگەر سەپدىشى كۆپ قېتىم ياخشى پۇرسەتنى قولدىن بېرىپ قويمىغان بولسا، مېسسىنىڭ ياردەمچى پاس سانى بالدۇرلا قوش خانىلىق سانغا يەتكەن بولاتتى.

مەيئامى خەلقئارا كوماندىسى مېھمان مەيداندا 1:2 نەتىجە بىلەن يېڭى ئېنگلاند كوماندىسىنى مەغلۇپ قىلغاندىن كېيىن، ئىككى توپ كىرگۈزگەن مېسسى ئىنتايىن خۇشال بولۇپ، كوماندىنىڭ نومۇر توپلاش ئەندىزىسىنى باشلىدى. مۇسابىقىدىن كېيىن، مېسسى ئالاقە تورىغا سۈرەت يوللىدى ھەمدە: «ئۈچ نومۇر» دەپ يازدى، مېسسىنىڭ ئايالى ئانتونېللا يۈرەك بەردى.

بۇ مەيدان مۇسابىقىدە ئىككى توپ كىرگۈزگەن مېسسىمۇ ئىككى يېڭى رېكورت ياراتتى:

1. مېسسى ئامېرىكا كەسپىي بىرلەشمىسى تارىخىدا تۇنجى بولۇپ ئۇدا تۆت مەيدان دائىملىق مۇسابىقىدە ئاز دېگەندە ئىككى توپ كىرگۈزگەن توپچى بولۇپ قالدى!

2. مېسسى كەسپىي ھاياتىدا 100-قېتىم چەكلەنگەن رايون سىرتىدىن ھەرىكەتلىك توپ كىرگۈزۈپ، بۇ جەھەتتە پۇتبول تارىخىدىكى بارلىق توپچىلار ئىچىدە ئەڭ كۆپ توپ كىرگۈزگەن توپچىغا ئايلاندى!

بۇ ماقالە ئۈندىدار سالۇنىدىن كەلگەن : Putbol一Yurti