مۈشۈكېيىق خۇاشيا زېمىنىنىڭ گۆھىرى، ئۇلار ساددا ھەم ئوماق قىياپىتى بىلەن ئومۇمىي خەلق قارشى ئالىدىغان «خەلق ئەركىسى» گە ئايلاندى. 2- ئاينىڭ 5- كۈنى چۈشتىن كېيىن ئۈرۈمچى شەھىرى ئالاھىدە بىر جۈپ «ئەزىز مېھمان»نى كۈتىۋالدى، چېڭدۇدىن كەلگەن ئىككى مۈشۈكئېيىق باۋيۈەن بىلەن دېرۈي ئامان-ئېسەن ئۈرۈمچىگە يېتىپ كەلدى.

بۇ ئوماق باۋيۈەن

↓↓↓

بۇ شوخ دېرۇي

↓↓↓

دۆلەت گۆھىرى بولغان بۇ بىر جۈپ ئوماق مۈشۈكئېيىق ئۈرۈمچى شەھىرىدە ماكانلىشىپ، ئات يىلىغا ئۆزگىچە خۇشاللىق ۋە گۈزەللىك ئاتا قىلىدۇ.

كەسپىي ئىنچىكە ئۆتكۈزۈپ بېرىش-ئۆتكۈزۈۋېلىش تەرتىپى تاماملانغاندىن كېيىن، «باۋيۈەن» بىلەن «دېرۇي» سۇ ئۈستى باغچىسى مۈشۈكئېيىق سارىيىغا رەسمىي كۆچۈپ كىرىپ، يېڭى تۇرمۇش سەھىپىسىنى ئاچىدۇ، ئۇلار يېڭى مۇھىتقا ماسلاشقاندىن كېيىن مۇۋاپىق پەيتتە ئامما بىلەن يۈز كۆرۈشىدۇ. «باۋيۈەن»، «دېرۇي» نىڭ يېتىپ كېلىشى بۇ شەھەرگە جانلىق، «دۆلەت گۆھىرى» پۇرىقى قوشىدۇ. ئۈرۈمچى شەھەر ئاھالىلىرى ئۇلار بىلەن يۈز كۈرۈشۈشنى تەقەززالىق بىلەن كۈتمەكتە.

شىنجاڭ قەدىمىي ئېكولوگىيە باغچىسى تۇلپار بازىسىدا مۈشۈكېيىق پەننى ئومۇملاشتۇرۇش ۋە چەۋەندازلىق سالاپىتى يۇغۇرۇلغان بىر مەيدان ئۆزگىچە پائالىيەت ئۆتكۈزۈلگەن بولۇپ، خىزمەتچى خادىملار كۆپ خىل شەكىللەر ئارقىلىق شەھەر ئاھالىلىرى ۋە ساياھەتچىلەرگە مۈشۈكېيىق بىلىملىرىنى ئومۇملاشتۇردى. چەۋەندازلار بىلەن ئوماق بالا سەھنىدە ئۆزگىچە ماھارىتىنى نامايان قىلدى. چەۋەندازلار كەسپىي كىيىملەرنى كىيىپ، ئات چاپتۇرۇپ، «مۈشۈكېيىق كەلدى» دېگەن خەت ۋە مۈشۈكېيىقنىڭ سۈرىتى چۈشۈرۈلگەن رەڭدار بايراقلارنى لەپىلدىتىپ، ئارغىماقلارنى چاپتۇردى. رەڭدار بايراقلار لەپىلدەپ چەۋەندازلىق ھەرىكىتىنىڭ جەسۇرانە قىياپىتىنى نامايان قىلدى ھەم مۈشۈكېيىقنىڭ يېتىپ كېلىشىگە بولغان قىزغىن ئۈمىدىنى ئىپادىلىدى.

سىز بەلكىم «باۋيۈەن» بىلەن «دېرۈي»نىڭ قەيەردىن كەلگەنلىكى، قانداق يېڭى ئۆيدە تۇرىدىغانلىقى، شىنجاڭنىڭ تۇرمۇشىغا قانداق ئۇيغۇنلىشىدىغانلىقى، يەنە قانداق قىزىقارلىق ئىشلارنىڭ يۈز بېرىدىغانلىقىغا قىزىقىشىڭىز مۇمكىن، بۈگۈندىن باشلاپ ئۈرۈمچى كەچلىك گېزىتى «مۈشۈكئېيىقنىڭ غەربكە ساياھىتى» ناملىق پۈتۈن كۆرۈنۈشلۈك ئىز قوغلاش سەھىپىسىنى رەسمىي يولغا قويدى، بىز يېزىق، سۈرەت، كۆرۈنمە چاستوتا قاتارلىق پۈتۈن تاراتقۇ شەكلى ئارقىلىق بۇ بىر جۈپ مۈشۈكئېيىقنىڭ يولغا چىققاندىن تارتىپ ماكانلاشقىچە بولغان ھەر بىر ئىللىق دەقىقىلىرىنى خاتىرىلەپ، ئۇلارنىڭ تاغ-دەريالاردىن ھالقىپ، ئۈرۈمچىدە ماكانلاشقىنىدەك ھەقىقىي ھېكايىسىنى بايان قىلىمىز.