نېمارنىڭ دادىسى بىر تور سىن پىروگراممىسىدا مۇنۇلارنى بىلدۈردى:يارىلىنىش، سىرتتىكىلەرنىڭ تەنقىدىگە ئۇچراش ھەمدە ئۇ كۈچ چىقارغان سانتوس پۇتبول كۇلۇبىنىڭ بىرازىلىيە پۇتبول ئا دەرىجىلىكلەر بىرلەشمە مۇسابىقىسىدىكى ئىپادىسى مۇقىم بولماسلىق قاتارلىق كۆپ خىل ئامىللارنىڭ تەسىرىدە، نېمار بۇلتۇر بىر مەزگىل ئۆزىنىڭ كەسپىي پۇتبول تەنھەرىكەتچىلىك ھاياتىنى ئاخىرلاشتۇرۇشنى ئويلاشقان.          
نېيمارنىڭ ۋاستىچىسى، يەنى دادىسىنىڭ ئاشكارىلىشىچە، بۇ ئوي نېيمار بۇلتۇر 11 – ئاينىڭ ئاخىرىدا يارىلانغاندىن كېيىن پەيدا بولغان.

 شۇ چاغدا نېمارغا سول تىزىنىڭ يېرىم ئايسىمان تاختىسى يارىلانغان دەپ دىئاگنوز قويۇلغان. جىسمانىي ۋە كەيپىيات جەھەتتىكى قوش بېسىم ئۇنى كەسپىي ھاياتىنى ئاخىرلاشتۇرۇش ئويىنى پەيدا قىلغان.          
نېيمارنىڭ دادىسى ئەسلەپ مۇنداق دەيدۇ:«بۇ قېتىملىق يارىلىنىشنىڭ زەربىسى ئىنتايىن چوڭ بولدى. مەن ئۆيگە قايتىپ، ئوغلۇمنىڭ تۇرالغۇسىغا باردىم. ئۇ مېنى كۆرۈپ:«مەن بەرداشلىق بېرەلمىدىم» دېدى.

   ئوپېراتسىيە قىلىش كېرەك، دادا … مەن ھەتتا ئوپېراتسىيەنىڭ ئەرزىيدىغان ياكى ئەرزىمەيدىغانلىقىنى بىلمەيمەن. مەن ئۈچۈن ئېيتقاندا، ئەمدى داۋاملاشتۇرغۇم يوق. ”          
نېمارنىڭ دادىسى يەنىمۇ ئىلگىرىلىگەن ھالدا مۇنداق دېدى:نېمارنىڭ يارىلىنىش ئەھۋالى توغرىسىدىكى سەلبىي پىكىرلەر  ئاتا – بالا ئىككىمىز پىكىر ئالماشتۇرۇشتىن بۇرۇنلا تاراتقۇلار تەرىپىدىن ئاشكارىلانغان، بۇ نېمارنىڭ كەيپىياتىنى ئېغىرلاشتۇرۇۋەتكەن.“ ئاخبارات ۋاستىلىرى مەن  نېمار بىلەن ياخشى پىكىرلىشىشتىن بۇرۇن خەۋەرنى ئېلان قىلدى، ئۇنىڭ كەيپىياتى ناھايىتى زور تەسىرگە ئۇچرىدى. شۇ پەيتتە ئوغلۇمنىڭ بۇ خىل ئازابىنى يەڭگىللىتىشىگە ياردەم قىلالمايتتىم.          
بۇ خىل ئەھۋالغا قارىتا، نېمارنىڭ دادىسى ئوغلىنىڭ ئويىنى چۈشىنىشكە ئۇرۇنۇپ باقىدىغانلىقىنى، شۇنىڭ بىلەن بىر ۋاقىتتا ئۇنى سوغۇققانلىق بىلەن ئويلىنىشقا يېتەكلەيدىغانلىقىنى بىلدۈردى.“ ئۇ ماڭا بۇ گەپلەرنى قىلغاندا، مەن ئۇنىڭدىن:«سىزنىڭ قارارىڭىز مۇشۇنداقلا ئاخىرلاشتىمۇ؟ ئۇنداقتا نېمىشقا يەنە ئوپېراتسىيە قىلىدۇ؟ ئەگەر ئوپېراتسىيەدىن كېيىن يەنىلا  سەپتىن چېكىنىشنى قارار قىلسىڭىز، ئۇنداقتا بۇ قارار چوقۇم چوڭقۇر ئويلىنىشتىن ئۆتۈشى كېرەك.ـ          
نېيمارنىڭ دادىسىنىڭ ئاشكارىلىشىچە، بىر قېتىملىق كەسپىي ھاياتىنىڭ ئەھمىيىتى ۋە مۇسابىقە مەيدانىنىڭ نىشانى توغرىسىدىكى چوڭقۇر سۆھبەت بۇرۇلۇش نۇقتىسى بولۇپ قالغان. ئىككى ھالقىلىق ئامىل نېمارنىڭ كەسپىي ھاياتىنى داۋاملاشتۇرۇشنى قارار قىلىشىغا تۈرتكە بولدى:بىرى، سىرتتىكىلەرنىڭ گۇمانىغا ئىنكاس قايتۇرۇش، يەنە بىرى، كارلو ئانچېلودىنىڭ يېتەكچىلىكىدە دۇنيا لوڭقىسى پۇتبول مۇسابىقىسىگە قاتنىشىش ئارزۇسىنى ئەمەلگە ئاشۇرۇش.          
نېيمارنىڭ دادىسى مۇنداق دېدى:«ھازىر سىرتتا نۇرغۇن پىكىرلەر بار، پەقەت ئالتە ئايلا ۋاقىت قالدى. دۇنيا لوڭقىسى پۇتبول مۇسابىقىسى ئاخىرلاشقاندىن كېيىن، ئەگەر سىز يەنىلا  سەپتىن چېكىنمەكچى بولسىڭىز، مەن سىزنى قوللايمەن. لېكىن سىز ئۇ پىكىرلەرنىڭ تەسىرىگە بۇنداق ئۇچرىسىڭىز بولمايدۇ.          

بۇ قېتىمقى سۆھبەتتىن كېيىنكى ئىككىنچى كۈنى، نىمار  گەرچە يەنىلا ئاغرىق ھېس قىلغان بولسىمۇ، ئۇ يەنىلا مەشىققە قاتنىشىپ،  ۋارتاغا توپ ئۇرۇپ سىناپ باقتى ھەمدە ئەڭ ئاخىرىدا ئۆزىنىڭ يەنىلا داۋاملاشتۇرالايدىغان ھەرىكەتلەندۈرگۈچ كۈچى بارلىقىنى ھېس قىلدى.

   نېيمارنىڭ دادىسى ئەسلەپ:«ئۇ بېشىنى چايقىدى، ئاندىن:«مېنىڭچە مەن يەنە بەرداشلىق بېرەلەيمەن» دېدى. ”          
كەسپىي تەنھەرىكەتچىلەر ئېغىر يارىدار، كېسەل ۋە تاشقى بېسىمغا دۇچ كەلگەندە، پىسخىكىسىنى قانداق تەڭشەش ۋە كەسىپ پىلانىنى قانداق تۈزۈش كېرەك؟

بۇ ماقالە ئۈندىدار سالۇنىدىن كەلگەن : Putbol一Dunyasi