ھىندىستان مىسسى پائالىيىتىنى تەشكىللىگۈچى داۋاملىق قامالدى          

ھىندىستان تاراتقۇسى «مىڭ يىللىق پوچتا گېزىتى» نىڭ خەۋىرىگە ئاساسلانغاندا،2025 – يىلى 12 – ئاينىڭ 13 – كۈنى، ئارگېنتىنالىق پۇتبول تەنھەرىكەتچىسى لىئوننېل مېسسى ھىندىستاندا زىيارەتتە بولغان بىر مەيدان پائالىيەتتە، كالكۇتتا تۇز كۆل تەنتەربىيە مەيدانىدا ئېغىر تەرتىپ قالايمىقانچىلىقى ۋەقەسى يۈز بەرگەن. بۇ ۋەقەگە قارىتا، شۇ جايدىكى سوت مەھكىمىسى ئالدىنقى يەكشەنبە كۈنى مۇنداق كېسىم چىقارغان:پائالىيەتنى ئاساسلىق تەشكىللىگۈچى شاتادرۇ دۇتا داۋاملىق قاماپ تۇرۇلىدۇ، مۇددىتى 2026 – يىلى 1 – ئاينىڭ 9 – كۈنىگىچە بولىدۇ.

بۇنىڭدىن ئىلگىرى، شاتادېرو دۇتانى ساقچى تەرەپنىڭ تۇتۇپ تۇرۇش مۇددىتى توشقان، ئارقىدىن بىدانناگار يەرلىك سوت مەھكىمىسىگە ئۆتكۈزۈپ بېرىلگەن. سوتتا، تەپتىش تەرەپ ئۇنى ئەدلىيەلىك قاماپ تۇرۇشقا ئۆزگەرتىشنى ئىلتىماس قىلدى، ئاقلىغۇچى ئادۋوكات بولسا كېپىللىككە قويۇپ بېرىشنى ئىلتىماس قىلدى. ئاقلىغۇچىنىڭ ئادۋوكاتى مۇنداق دەپ كۆرسەتتى:شاتادېرو دۇتا بۇنىڭدىن ئىلگىرى ھەيدەرئاباد، بومباي ۋە دېھلىدا مۇشۇنىڭغا ئوخشاش چوڭ تىپتىكى پائالىيەتلەرنى مۇۋەپپەقىيەتلىك تەشكىللەپ، بۇ ئارقىلىق ئۆزىنىڭ تەشكىللەش ئىقتىدارىنى ئىسپاتلىغان.          
ئالاھىدە ئەيىبلىگۈچى بۇنىڭغا قارشى تۇرىدىغانلىقىنى بىلدۈردى. تەپتىش مەھكىمىسى مۇنداق دەپ كۆرسەتتى:شاتادېرو دۇتا باشقا شەھەرلەردە پائالىيەت تەشكىللىگەندە كەسپىي پائالىيەت باشقۇرۇش شىركەتلىرىنى تەكلىپ قىلغان، پەقەت كالكۇتتادىلا بۇ خىلدىكى ئورگانلارغا ھاۋالە قىلمىغان، بۇنىڭ بىلەن نەق مەيداننى باشقۇرۇشتا ئېغىر مەسىلە كېلىپ چىققان. بۇنىڭدىن باشقا، تەپتىش تەرەپ ئۇنى بۇ قېتىمقى پائالىيەت ئارقىلىق قانۇنسىز پايدا ئېلىشقا چېتىشلىق دەپ ئەيىپلىدى ھەمدە ئۇنىڭ جەمئىيەتتىكى تەسىر كۈچى تەكشۈرۈشكە كاشىلا قىلىشى مۇمكىن دەپ قارىدى. گەرچە ئۇنىڭ بانكا ھېساباتى توڭلىتىلغان بولسىمۇ، لېكىن تاماشىبىنلار بېلەت قايتۇرۇش، پۇل قايتۇرۇش خىزمىتىنىڭ ئىلگىرىلىشى ئاستا، كونكرېت تاماملاش ۋاقتى تېخى ئېنىق ئەمەس.          
سوتچى ئىككى تەرەپنىڭ بايانىنى ئاڭلىغاندىن كېيىن، ۋەقەنىڭ ئېغىرلىقى ھەمدە شاتادروۋ دۇتادا مەسۇلىيەتتىن ئۆزىنى قاچۇرۇش ياكى تەكشۈرۈشكە كاشىلا قىلىش خەتىرى مەۋجۇت بولۇش ئېھتىماللىقىنى كۆزدە تۇتۇپ، كېپىللىككە قويۇپ بېرىش تەلىپىنى رەت قىلىپ، ئۇنى 2026 – يىلى 1 – ئاينىڭ 9 – كۈنىگىچە داۋاملىق قاماپ تۇرۇش ھەققىدە كېسىم چىقاردى. خەۋەردە ئېيتىلىشىچە، ساقچى تەرەپ تەكشۈرۈشنى تېزلىتىۋېتىپتۇ، يېقىندا بۇ دېلونى سوت مەھكىمىسىنىڭ قاراپ چىقىشىغا ئۆتكۈزۈپ بېرىشى مۇمكىن ئىكەن.          
2025 – يىلى 12 – ئاينىڭ 13 – كۈنى، لىئوننېل مىسسى ئەسلىدە تۇز كۆل تەنتەربىيە مەيدانىدا توپ مەستانىلىرى بىلەن پىكىر ئالماشتۇرۇشنى پىلانلىغان ئىدى. لېكىن پائالىيەت نەق مەيدانىنىڭ تەرتىپى كونتروللۇقىنى يوقاتتى. نەق مەيداندىكى تاماشىبىنلارنىڭ ئىنكاس قىلىشىچە، بېلەت سېتىۋېلىپ مەيدانغا كىرگەن توپ مەستانىلىرى لىئوننېل مېسسىنىڭ نۇرغۇن خىزمەتچى خادىملار ۋە مېھمانلار تەرىپىدىن قورشىۋېلىنغانلىقىنى، يېقىن ئارىلىقتا ئۇچرىشىشقا ئامالسىز قالغانلىقىنى بايقىغان. نارازىلىق كەيپىياتى بىر قىسىم تاماشىبىنلارنىڭ تەرتىپ ساقلاۋاتقان ساقچىلارغا سۇ بوتۇلكىسى قاتارلىق نەرسىلەرنى ئېتىشىنى كەلتۈرۈپ چىقاردى، مەيدان قالايمىقانلىشىپ كەتتى. ھازىرغىچە ساقچىلار زوراۋانلىق قىلمىشىغا چېتىشلىق 10 كىشىنى قولغا ئالدى.          
سىزنىڭچە چوڭ تىپتىكى تەنتەربىيە ياكى كۆڭۈل ئېچىش پائالىيەتلىرىدە نەق مەيدان تەرتىپى ۋە تاماشىبىنلارنىڭ ھوقۇق – مەنپەئەتىگە قانداق كاپالەتلىك قىلىش كېرەك؟

بۇ ماقالە ئۈندىدار سالۇنىدىن كەلگەن : Putbol一Dunyasi